「來吧伴我飛」第三十一飛:微雨下的米蘭(Part1)

八月 18, 2011 4 個留言 作者 Carmen Tsui


上一篇:
下一篇:



用原本NY 830換返黎, 去過一次NY, 一個大城市, 感覺幾好, 不過衰jet lag, 所以想轉一轉飛其他地方, 收到roster果日已經收到Milan invitation, 好快就Accept左而佢又好快咁send左上去~yeah!

上網已經搵左d想去既地方, 做左d功課….briefing既時候有阿姐search定d tour 影印埋派發!! 不過有d貴, eur150一日去威尼斯, 再同d crew傾傾下, 似乎大家都好有意欲出去, 即係話有伴啦!! ISM一入黎未坐定就問我地有冇人帶屋企人去, 係wor….點解我冇諗到@.@ briefing好愉快因為大家都好似好期待, 有大半人都未去, 再發現依家飛milan應該係輪到08年, 因為除左我, 其他BC 9成9都係08年bor, 我太lucky啦, yeah………..所以我絕對有理由相信同我swap既應該係08年既~~真係要多謝佢轉呢班機比我, 因為呢次真係好開心~~

一上機, 我去check crew bunk, e? 燈開唔到既~!? 同阿姐講左, 咁我唯有用電筒check safety equip, 佢都開唔到wor~~engineer!救命呀!~~好啦~客都上曬, 好似連engineer都搞唔掂, 最後出動左FO, 點解佢一黎就冇事既….=.=? 但……事情就由crew bunk 開始, light load, 大家好快做完service, 到crew rest既時間, group 1 有阿姐上去, 但原來都係開唔到燈, 大家搞左一輪, 又用電筒又去gallery睇下有冇掣(?.?) 最後結果係—>放棄, 大家被分配到頭等商務吉位休息, 由於頭等座位有限, 所以有2名crew會到商務, 而大家都知呢d就當然按年資啦, 我就肯定商務啦, 頭先都有提及好多crew都係08年, 所中間當然又有d小插曲啦, 邊個啱錯我唔會評, 對我黎講, 有得休息就得, 去邊都冇咩所謂, 結論就係溝通確實好緊要!!

總之就好順利同安全咁去到milan!! 個心情係好攰但又好想出去!! 我地既最終Confirm既行程係:

第1日: 米蘭大教堂 + lunch + 於米蘭市逛

第2日: 威尼斯

先講下第一日既行程, 到左Hilton酒店都8,9點 (插曲:一到步好多阿姐走去睇個breakfast buffet有咩食, 好似唔知eur5, 好平! 當然我又去及下, 不過我應該冇時間冇機會食到) 跟住大家拎左最重要既野allowance之後就約定1點出發.大家各拎左酒店既地址同地圖, 仲買左公車票, eur1 一張~問埋點去之後就出酒店. 一出, 爛地一大塊, 冷風吹黎有D荒涼感覺, 間酒店個Location真係…@.@ 公司應該覺得佢便d卦, 不過出downtown都唔算耐, 我地撘#12 train<–? 但依我睇應該係電車既fd, 因為有果d公車行軌同頭頂上面有天線?.?(話時話, 香港電車頭頂果條叫咩?)

其實公車冇人check飛, 有時我地見到唔少人就咁上黎, 到站就走~

唔洗30mins就到左米蘭大教堂, "嘩!! 我終於到左米蘭! 到左佢最出名既大教堂!!"

外觀真係一絕, 同佛羅倫既聖母百花大教堂比較, 佢有清新既感覺, 因為佢冇聖母百花既令人眼花瞭, 唔知邊度入手好, 比起聖彼得教堂, 佢有"唯一"既感覺, 因為响梵諦岡, 你絕對唔會只留意到聖彼得~~

外面好多雀?鴿?,飛黎飛去, 仲有好多人push你去餵佢地, 硬係要塞d粟米比你, 當然係要你比$啦~不過最經典既場面係, 有個7, 8歲既妹妹仔見到d鴿就好似捉雞咁捉, 快到你唔信, 佢可以左手捉一隻右手捉一隻, 佢爸爸同佢細佬企隔離係咁笑…我就真係呆左, 你屋企做咩架?.?

唔洗入場費, 不過唔可以背心短褲入去, 好彩有帶多件衫借比同事遮腳, 好多教堂同寺廟都有呢d規定, 所以好自然長裙係standard loading

聽佢地講話呢位係真人黎……….不過我見識少, 唔知佢係邊位,仲有我都唔敢走得太近………驚驚地

 

 

 

 

 

 

 

 

 

 

 

 

 

 

 

其實教堂好大, 仲有個地下室? 入去要eur2, 不過我地冇入到去

食lunch

外面落住毛毛細雨, 我地依然去食雪糕~~意大利雪糕真係冇得頂, 開心到暈!!响附近名店行一行, 好貴~經過黑色M記, 見到有一圈人圍住, 睇住佢地轉轉下唔知做咩, 估應該係好運之類卦,由於怕轉錯方向, 我地就咁睇下就算~等我知道係咩意思之後有機會先再轉下啦

之後去左周邊既街行下, 買左postcard, 上次london果張要成個幾月先飛到返黎, 呢張唔知要飛幾耐呢,逛下Zara同其他小鋪, 最後一d野都冇買到, 因為確實貴得黎又冇咩特別, 所以慳返~比我地見到supermarket wor, 又去執返多少意粉返去, ok抵wor!! 我覺得平過香港, 買左二大包特價貨, 每包EUR0.59

返去既時候我地去埋酒店附近M記買埋野食, Crew bus經過時以為好近, 點知落住雨行既時間感覺有d, 去到點解得個揸車位? 要排車隊? 樣衰左d bor@.@

最後都搵到入口, 買左之後又因為天雨關係, 紙袋穿左, 我同事既可樂就報銷左lu…….>.<, 返到hotel around 7,8點, 但係HK時間Mid night 啦~早d休息, 明早5點幾要出發威尼斯!

 

下一篇:
上一篇:

義大利自由行

關於作者

放棄原有穩定工作,毅然跳入航空界,全因熱愛旅遊及為達成夢想,自知儲蓄不夠沒法於30歲前遊歷全世界,唯有以工作為藉口,揮翅膀用眼睛看世界。

“「來吧伴我飛」第三十一飛:微雨下的米蘭(Part1)” 有 4 個留言

  1. 晴晴 says:

    我仲未畢業呀,但係我都好想做空姐,可以周圍去!!
    但係工作辛苦嗎?其實留在外地既時間多唔多嫁?

  2. Carmen Tsui says:

    幾時畢業呀~? 我知今年我地公司會請好多人…
    初初一定好辛苦, 每日training我都要5點幾起身, 返到屋企又要溫書, 因為佢好多野要記, 一次過要你入曬個腦~~之後就好d 架啦
    睇你點睇啦~~東南亞既可能一日半日或者即日來回, 美加澳紐歐都有2-3時間不定, 因為去到唔多唔少jet lag, 適應到又要返黎~
    有興趣既畢左業去試下^^

  3. 晴晴 says:

    我最後一年喇,好快都要搵工!
    我好想試下考空姐呀,但係我又唔係超級高T^T

    下係呀?training要幾耐呀?
    國泰每年大概幾時會有recruitment 嫁?

    哈哈,唔緊要呀.我個人冇jet lag嫁,幾時都訓都得! =p
    但係落地時間咪唔多?

  4. Carmen Tsui says:

    咁你可以年尾前apply定, 因為可能要排隊等call, 唔洗超高, 舉起手可以reach 到208cm就得, 不過英文會話唔可以差
    train大約5-6星期, 今年要好多人lor, 因為佢買左唔少新機.
    你就咁去website apply send過去就得架啦, 我覺得佢一年12個月24小時都請緊人..-.-
    遠d既地方可以stay耐d, 好似美加咁, 我最長應該係new york, around 3日啦…不過3日都勁頭痛~~
    冇jet lag就好啦~~~去邊都得~~
    你試左先啦, 反正冇蝕, 又可以攞多個面試經驗~~
    我又飛啦, 你有咩可以再留msg, 不過我要過2日先覆到你~^^

回應文章

Please leave these two fields as-is: