「來吧伴我飛」第三十一飛: 浪漫威尼斯(Part2)

八月 22, 2011 2 個留言 作者 Carmen Tsui


上一篇:
下一篇:



今日5點幾起身, 約左6點正出發, 我地又係搭返#12公車, 由於係星期一所以10分鐘一班. 坐車時經過china town. 感覺真係返去70年代, 條街古老唔再講, 櫥窗裡面d人頭公仔簡直絕跡香港, 再睇埋佢身上sell果d衫, 只可以用2隻字 “經典”! 究竟佢地既target唔識中國文化既外國人定係响國外住得太耐而冇左中國人品味既同袍? 話時話我expect既米蘭應該係時代感好強既地方, 點解我一d都feel唔到?? 可能真係去左遊客區~~~過左china town之後轉subway去火車站. 外國既subway真係同拍戲果d一樣. 車站古舊, 車廂更甚, 只可以話別有一番風味. 開車既時候d聲好嘈, 合埋眼會覺得上左大陸既火車, 成埋响車卡入面.

去到火車站7點鐘, 我地搭7:25分班車, 買埋飛執左d野食上車, 出發! 火車有分便價車同貴價車. 便d就緊係慢d, 站站停, 我地今朝呢架係便車, 都要eur 17, 需時要3個幾鐘, 不過都幾舒服, 可以合下眼訓, 沿途經過好多不知名既地方, 風景冇咩特別, 花草樹木居多. 最後冇人check飛就去到威尼斯!! 到達既時候已經11點幾, 一出火車站已經見到一條好長既大運河同好多人!! 我地先周圍走走,  天氣好到不得了!!

 

 

 

 

 

威尼斯有好多小店, 入面都係賣佢地Hand made既野~雖然唔係價值不菲但都唔便lor, 我d allowance真係唔多wor~~

 

 

 

 

 

 

 

 

 

 

 

 

 

 

 

 

是但搵左間野食lunch, 不過真係唔食好過食, 邊有客比$食野都真要受氣, 間野外面寫明有free wifi, 以香港人入到去坐低好自然就會上網, 只係問左佢2句wifi pw 姐, 佢就比曬面色我地睇!! 咩事呀~服務態度好差, 之後佢响後面台攞左張紙仔比我地, 入面有pw, 之後後面台個阿生就出左聲 “我都未用完” e?廣東話! 我地交流幾句, 一致認為呢間野好有問題~!唔好去下面呢間~!!!

 

 

 

 

 

 

 

 

 

 

 

 

 

 

 

 

食飽飽之後去搵船搭, 用一張day pass 搭船無限次去曬成個威尼斯, 因為我地時間有限, day pass好似好貴, 咁聽聞上船可以買飛就跳左上船, 去到慕拉諾島 (Murano), 「世界玻璃之都」真係名不虛傳! 佢d手工藝真係好靚再加上水都既環境, 造就左佢既旅遊業~~影相就一定, 見到d咁靚既野都好難忍手唔買, 所以我响呢個地方用曬我既allowance啦!!買左1個鐘 eur 75, 我覺得唔貴, 因為我鐘意~^^

 

 

 

 

 

 

 

 

 

 

 

 

 

 

 

 

 

 

 

仲有好多小禮物買返去送人啦~~如果真係有心一間間行我諗真係要花一整日既時間, 沿住河一路行, 行到尾再過對面行返回頭, 一日時間少不了啦~我地真係到此一遊就咁. 走馬看花咁行左一邊, 有心飛黎玩既話, 最好預2-3日時間, 不過聽聞佢d酒店好貴!! 中途買左支可樂都eur3就知佢物價幾貴啦~

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

之後又係搭船出返去, 大家都打算去埋San Marco, 由於我地應該趕唔切搭原定班慢車, 所以我地又去坐埋Gondola, 佢地開價Eur100/4個人, 好貴呀~~之後佢話Eur80 半個鐘, 之後我地冇理佢, 因為聽另一個同事講當地人搭好似Eur60咁上下, 之後又再問另一船家, 都係Eur80, 咁我就用我最叻既師奶仔講價技巧, 成功平左eur10!! 呵呵~~上船後狂影相~~大家都唔知時間就咁過左…..

 

 

 

 

 

經過Bridge of Sighs, 當時都冇咩感覺, 因為我冇expect會到威尼斯, 不過後來search返知道嘆息橋的兩端連接法院與監獄兩處, 死囚通過此橋之時, 常是行刑前的一刻, 因感嘆即將結束的人生而得名.他們面臨的將是永別俗世, 嘆息橋有如隔絕生死兩世, 所以從密不透氣的嘆息橋走過時, 從橋上的窗口望出最後一眼美麗的威尼斯, 不禁一聲長嘆. 但原來當地有一個傳說, 日落時如果戀人們在嘆息橋下的Gondola上親吻對方, 就將會得到天長地久的永恆愛情.

 

 

 

 

 

 

 

 

 

 

 

完左Gondola, 去左鐘樓, 教堂冇入到, 因為要趕時間走, 所以好快咁影左D相, 見到有一對新人响度影婚紗相, 好浪漫呀~!!!

 

 

 

 

 

 

 

 

 

其實黃昏既威尼斯水位明顯上漲, 聽聞威尼斯有機會沈沒! 完全感受到水位同陸地真的只差一點點, 它們會面會係咩時候呢?

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

又上返船去火車站, 大家都攰啦~成日最激氣既事發生!!買飛既機食左我Eur15!!! 之後我禁Refund, 佢出左一張eur5既退款車飛, 因為要趕上火車, 查詢果條隊又長到嘔!! 唉~~~~~~~~~~~~~~~~~~~>.< Eur10!! 就咁冇左……………..上到車, 故事未完, 我地上果架係歐洲之星, 火車開左一陣~有個阿叔上黎Check飛話我地買錯飛, 一係罰$, 一係落車, 最後沒辦法, 每人比多Eur25~! 雖則有唔開心, 但我又遇到佢啦!!!繼响brisbane既火車上見到雙彩虹, 我响威尼斯既火車又見到彩虹~!!

 

 

 

 

 

 

 

 

 

 

 

今日成日都好好天, 冇落過雨, 但都見到一條好靚既彩虹^^ 返到米蘭第一時間去櫃檯退返eur5, 我都知另外果eur10凍過水. 退完之後沿路返去~天都黑曬lu. 由於我有帶杯面唔洗再買野食, 而我2個同事又去左酒店附近間M記買野食, 後黎聽聞果條街有D女人會問人借煙……………… 返到去洗個白白食個靚面打埋比個同事睇佢返到Hotel 未, 咁之後上陣網, 突然收到同事電話話有2次有人敲門但見唔到有人, 咁驚!!?!? 最後佢埋黎2條友一齊上網~~~酒店成日都聽到呢d事, 好彩就有fd求救, 冇既時候就真係>.<~!

下一篇:
上一篇:

義大利自由行

關於作者

放棄原有穩定工作,毅然跳入航空界,全因熱愛旅遊及為達成夢想,自知儲蓄不夠沒法於30歲前遊歷全世界,唯有以工作為藉口,揮翅膀用眼睛看世界。

“「來吧伴我飛」第三十一飛: 浪漫威尼斯(Part2)” 有 2 個留言

  1. baby Blue says:

    Very beautiful! Any China town Photos?

  2. Carmen Tsui says:

    no ar~~~coz time limited, we didnt get off the tram~but i can say nth special in china town and i am not sure if it is a "town" coz just 2 streets~~~

回應文章

Please leave these two fields as-is: