英國、法國之旅 – Part 1

今次去英國同法國, 主要係陪阿爸、阿媽去英國參加阿妹既大學畢業典禮, 之後順便過巴黎玩下當作慶祝。阿媽話因為我以前己經去過, 今次係特登陪佢地去, 所以全部旅費佢比晒, 咁我就梗係唔同佢爭啦! 多謝阿媽!

我地一共去左 18 日, 其中有 6 日 5 夜喺巴黎, 倫敦入巴黎走。

一到左倫敦就發覺唔對路, 因嘜解救咁熱既, 我地真係好彩, 竟然撞正歐洲既熱浪, 你知歐洲既天氣不嬲涼涼地, 無嘜冷氣、風扇呢類野, 所以我地熱到死死下, 不過已經去左都無計啦!

作為中國人既我首先梗係帶佢地去 China Town, 順便醫下個肚。跟住就出發遊覽囉, 分別去左 Tower of London、Tower Bridge。

跟住又去左 Big Ben, 再沿住泰晤士河行去 London Eye。

再去左 St. Paul Cathedral、House of Parliament 同 St. Margalet’s Church等。

要買野就梗係要去 Covert Garden 啦! 不過 d 野好貴, 英鎊對港紙係 16 個幾呀!

天氣鬼咁熱, 所以去左 St. James Park 坐下, 涼陣先, 跟住再行過去 Buckingham Palace。

去得 London 梗係要去賊竇睇下 d 賊贓啦! 睇下有無新野先????

夜晚食完飯再去泰唔士河散步, 見倒好多人坐係草地上傾計, 外國人既生活真遊閑! 我地香港人有時真係要停一停、抖一抖, 享受下呢份閑靜, 唔好成日顧住揾錢!

按這裡返上篇 | 我的 英國、法國之旅 主頁 | 按這裡接下篇 |

其他 法國自由行 遊記 |  其他 英國自由行 遊記|

加入 歐洲旅遊大本營 Facebook Page |

加入 法國大本營 Facebook Page| 加入 英國大本營 Facebook Page|